अरब आउने सबै भेंडा चाराउन आएको बुझ्ने नेपाली मनोबृती भएहरुकोलागी यहि शब्द ठिक होला । 'गोठालो' आ'को नौ बर्ष पुरा भएछ आज । २८ जनवरी २००६ मा अरबको मरुभुमी टेक्नु भन्दा एक दिन अगाडी पनि बेलुका आठ बजे सम्म पुरानै ठाँउमा आफ्नो जिम्मेबारी बहन गरि रहदा कहिले काँहि मन भारी हुन्छ । त्यो अमुल्य क्षण परिवारजन संग बिताउनु भन्दा पनि दायित्व निर्बाह गर्न तिर लागे । खोक्रो सानो/लामो दुरीको यात्रामा सहयात्री संग हुने सहानुभुती सम्म हाम्रो देशमा काम गर्दाको क्षण, कथित साथीहरुसंग नहुँदाको तितो अनुभव बोक्नु परेको छ ।
भाई/भतिजाबाद वा जात/धर्मको कुनै सरोकार थिएन । मेरो आफ्नै नाताको संस्थापक/निर्देशक हुँदा पनि केहि अनाबश्यक महत्वाकांक्षा बोकेका लोभीहरुको झुण्ड हावी थियो, नेपालको धेरै जसो प्राईभेट कम्पनी जस्तै । न त अप्राईजल पाईन्थ्यो न दाम । केहि चोरहरु मिलेर पार्सियल बोनस समेत रिसिप्ट कपी गरेर मेरो भागको खाए । मन मर्यो जसरी नि जालबाट बाहिर निस्कनु थियो ।
पहिलो दशकको देशप्रेम भन्दा पछिल्लो दशकको परदेश गमन उपल्बधीपुर्ण देखिन्छ । पारिवारीक मनोकांक्षा र चाहना पुरा गर्न सकेकोमा र गर्न सक्षम भएकोमा मन उत्साहित छ ।
